Húsarannsóknir í Fraklandi

Franska løgreglan hevur í dag gjørt húsarannsóknir hjá fleiri stríðshugaðum islamistum. 

Húsarannsóknirnar er gjørdar í sambandi við, at søgulærarin, Samuel Paty, fríggjadagin varð skorin á háls, tí hann hevði víst fram Muhammed-keiputekningar, tá hann undirvísti um talufrælsi. 

Tað upplýsa franskir myndugleikar.

Hendingin fór fram í Paris. 

Ellivu persónar, m.a. ein kendur stríðshugaður islamistur, eru handtiknir í sambandi við drápið, sum verður kannað sum yvirgangsálop.

Fatwa lýst

Sambært fronskum myndugleikum, er fatwa lýst móti læraranum. 

Pápi ein av næmingunum og ein kendur stríðshugaður islamistur lýstu fatwa, og mæltu til at drepa læraran, og fríggjadagin varð lærarin hálshøgdur, sigur franski innanríkisráðharrin, Gérald Darmanin, við útvarpsstøðina Europe 1.

Sambært blaðnum, Le Monde, er ein 15 ára gamal drongur handtikin og settur í varðhald. 

Ein 18 ára gamal úr Kekenia er høvuðsmaður fyri álopið. 

Hann doyði av skotum frá løgregluni, sum kom á staðið, eftir at hava fingið fráboðanina um yvirgangsálopið í útnyrðingspartinum av Par´ss.

Teir eru báðir handtiknir.