Wales letur aftur í 14 dagar

bannari
Wales letur aftur í 14 dagar
Fríggjadagin skulu allir walisar, sum ikki hava lívsneyðug størv, verða við hús
Mark Drakeford, forsætisráðharri í Wales, sigur, at neyðugt er at seta so strong tiltøk í verk, tí heilsuverkið í landinum er undir stórum trýsti
 
19.10.2020 - 14:46

Myndugleikarnir í Wales stongja nú samfelagið í tvær vikur. 

Fríggjadagin skulu allir walisar, sum ikki hava lívsneyðug størv, verða við hús.

Barrir, matstovur, kaffistovur og gistingarhús verða stongd.

Og fólk, sum fara út, skulu vera í munnbindi á almennum støðum, sum ikki eru stongd, eisini í almenna flutningskervinum og í hýrivogni.

Hvørki inni ella úti er loyvt at savnast við fólki, sum tú ikki býrt saman við. 

Helst strangastu tiltøk í Evropa

Samkomuhús, bókasøvn og ruskstøðir verða stongd, og allar samkomur skulu stongja dyrnar. Tó verða vígslur og jarðarferðir loyvdar.

Vaksin, sum búgva einsamøll, ella einlig foreldur, skulu gera avtalu við onnur í familjuni um stuðul.

Talan er helst um strangastu tiltøk í einum landi í Evropa síðani á grækarismessu.

Fleiri onnur lond hava sett tiltøk íverk, men tað er fyri landspartar.

17 tilmæli hava verið galdandi í pørtum av Wales, men nú verða tey avloyst av fullkomnum stongsli. 

Heilsuverkið undir trýsti

Orsøkin til strongu tiltøkini er stóra trýstið á heilsuverkið, sigur forsætisráðharrin, Mark Drakeford.

- Eingin einføld loysn er fyri framman, tí virusið breiðir seg skjótt í Wales. Uttan hesi tiltøk, fer heilsuverkið ikki at hóra undan, og uppaftur fleiri fara at doyggja, segði Drakeford á tíðindafundi í dag.

Hann segði, at hesar báðar vikurnar við stongsli geva myndugleikunum dýrabæra tíð til at økja um smittusporingina, og at arbeiða við ætlanunum um tjald-sjúkrahús.

Í dag vóru staðfestir 950 nýggir smittutilburðir. Fyrr í hesum mánaðinum lá smittutalið um tey 400.

Higartil eru 1.700 fólk deyð í Wales, og meira enn 35.000 hava havt smittuna. Og tað er nógv í einum landi, har slakar tríggjar milliónir fólk búgva.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (3:3)
172858