Bjarga Atlantsflogi og Vága floghavn

Uppskot um at seta pengar í Atlantic Airways og Vága floghavn fyri at bjarga feløgunum undan avleiðingunum av koronu, eru á veg í løgtingið, og tey koma væntandi í næstu viku.

Jørgen Niclasen, landsstýrismaður, sigur, at hann hevur undirtøku í øllum flokkum fyri hesum uppskotum.

Tað segði hann í løgtinginum í gjár, tá munnligir fyrispurningar vóru á skránni. 

Jørgen Niclasen vildi ikki siga nakað tal í tinginum í gjár, og tað vil hann heldur ikki í dag. Men í tinginum í gjár legði hann dent á, at Atlantsflog fer ongan veg.

Uppskot kemur eisini um at lata flogvøllinum pengar úr landskassanum, segði Jørgen Niclasen, men tey tølini eru tíbetur minni enn fyri Atlantsflog, segði hann.

Meiri verður at frætta í útvarpstíðindunum