- Tíðindi, mentan og ítróttur
Týskland bannar plastposar í 2022
Týska samveldistingið samtykti í gjár at banna plastposar. Bannið fevnir um sølu og útbreiðslu av einnýtisposum úr plasti í týskum handlum, og tað kemur í gildi 1. januar 2022.
Týski umhvørvismálaráðharrin, Svenja Schulze, sigur, at plastposin er tekin um oyðsl við náttúrutilfeinginum. Hon mælir fólki til at brúka toy-posar.
Bannið fevnir tó ikki um lítlu tunnu plastposarnar, sum ofta síggjast í grønmetis- og blómudeildini í handlum. Andstøðan í týska samveldistinginum heldur lítið um bannið.
Tinglimir: Órættvíst móti marknaðinum
Tinglimir fyri Grøna flokkin og flokkurin á vinstravonginum, Die Linke, siga, at hetta er óbrúkiligur fjøður í hattin hjá stjórnini.
Bettina Hoffmann, talskvinna í Grøna flokkinum í burðardygd og umhvørvismálum, sigur, at hetta er bara ein dropi í havinum.
Tinglimir í flokkunum í andstøðuni á høgravonginum, AFD og FDP, atkvøddu eisini ímóti banninum og søgdu, at tað er órættvíst tiltak móti marknaðinum tí tað er eingin veruligur bati fyri umhvørvið.