Varðhaldsfongslaður til á tollaksmessu

Maðurin skal hava verið inni í íbúðini hjá einum løgreglufólki í Havn og hótt viðkomandi við knívi. Hetta hendi seinnapartin í gjár. 

Maðurin rýmdi frá staðnum, áðrenn løgreglan kom, men hann varð handtikin seint í gjárkvøldið.

Ákæruvaldið kravdi mannin varðhaldsfonglsaðan, so at hann ikki kann ávirka kanningararbeiðið, koyra burtur slóðir og ávirka vitni, og tí at vandi kann verða fyri, at maðurin fremur álop aftur, sigur Heri Andreasen, leiðari á kanningardeildini hjá løgregluni. 

Maður er varðhaldsfongslaður til 23. desember.