Ov bjartskygdur um lán í Havn

Norðoya sparikassi hevur verið ov bjartskygdur, tá hann hevur mett um nøkur lán, sum eru latin í Havn. 

Fíggjareftirlitið hevur kannað Norðoya sparikassa.

Millum annað eru 53 lán kannað. Fýra lán, sum eru latin í Havn, eru verri enn sparikassin metti.

Fíggjareftirlitið gav eisini sparikassanum boð um seta 750.000 kr. afturat av móti tapi.

Fleiri veik viðskiftafólk

Fíggjareftirlitið nevnir eisini, at Norðoya sparikassi hevur fleiri veik viðskiftafólk nú enn í 2018, tá Fíggjareftirlitið seinast kannaði sparikassan.

Fíggjareftirlitið staðfesti, at sparikassin skal vinna fleiri pengar og styrkja kapitalgrundarlagið.

Hann skal eisini hava betri mannagongdir og stýring á kredittøkinum. 

Samanumtikið er Norðoya sparikassi nøgdur við eftirlitsvitjanina hjá Fíggjareftirlitinum, og tekur frágreiðingina hjá tí til eftirtektar.