109 skip fáa 1290 jólapakkar

Aftur í ár hevur Føroyska sjómansmissiónin latið jólapakkar til sjófólkið. 

Tað eru sjómanskvinnuringarnir um landið og onnur, sum lata jólapakkarnar. 

Nú er liðugt at bera pakkarnar umborð á skipini, og í ár eru 1290 pakkar latnir umborð á 109 skip. 

75 fiskiskip, 21 handilsskip, 11 frálandaskip og 2 vaktarskip hava fingið pakkar.

Tað er ymiskt, hvussu nógvir mans eru umboð á hvørjum skipi. Okkurt skip hevur fingið 42 pakkar, meðan har, sum fæstir fóru umborð, fóru fýra pakkar.

Torleif Johannesen, sjómanstrúboðari, samskipar arbeiðið at fáa pakkarnar umborð á skipini. 

Mett verður, at gott 20 skip fara at vera burtur um jólini.