- Tíðindi, mentan og ítróttur
Eisini nógv minni farmur loftvegis
Eisini nógv minni farmur loftvegis
Til 1.desember eru flutt góð 612 tons, næstan 45 prosent minni enn í fjør
Tað er ikki bara ferðafólkatalið loftvegis, sum er nógv minkað í hesum árinum. Farmaflutningurin er eisini minkaður 45 prosent
Mynd: Bjarni Árting Rubeksen
18.12.2020 - 09:37
Ikki bara ferðafólkini eru nógv færri í ár enn í fjør.
Eisini farmurin, sum flogførini flyta, er minni.
Í november fluttu flogførini 76 tons av farmi, 27,5 prosent minni enn í november í fjør.
Til 1.desember eru flutt góð 612 tons, næstan 45 prosent minni enn í fjør.
Nógv minni flúgving
Fráferðirnar og komurnar eru eisini færri. Tær vóru 225 í november, 47 prosent færri enn í november í fjør.
Til 1.desember vóru tær 3.222, sløk 40 prosent færri enn í fjør.
Einasta framgongd er í postinum. 25,4 tons av posti komu og fóru við flogfari í november, næstan fýra prosent meira enn í fjør.
Afturgongdin er bara 0,1 prosent til 1.desember.
Er kopiera
Nýggjastu sendingar í ÚV
Nýggjastu sendingar í SV
