Heimsleiðarar fordøma ófriðin á Capitol Hill

Heimsleiðarar um allan heim fordøma ófriðin, sum hevur verið í USA, og kalla hann skakandi, ræðandi og vanæruligan.

Politiskir leiðarar kring heimin siga seg vera skakaðar og skelkaðar. 

Mette Fredriksen, forsætisráðharri í Danmark, Jens Stoltenberg, aðalskrivari í Nato, Charles Michel, ES-forseti, Ursula von der Leyen, forkvinna í ES-nevndini, og Emmanuel Macron, forseti í Fraklandi eru millum heimsleiðararnar, ið fordøma ófriðin, skrivar danska kringvarpið.

Mette Fredriksen sigur soleiðis:

- Ekstremisma, harðskapur, polarisering og ruðuleiki er ikki vegurin fram.  Ræðandi myndir frá Wasingthon. Mátti fólkaræðið aftur farið at virka.