Breddin: Rotta í Sandoynni og bílig bústaðarlán

Er rottan komin í Sandoynna?  Ella er rotta í veruleikanum ongantíð  komin í oynna?

Eitt rottutoymi frá Umhvørvisstovuni við Sjúrði Hammer á odda, fer nú at ferðast kring landið at greiða frá rottuni, og hvussu serliga oyggjarnar, sum ikki hava rottu, sleppa undan henni.

Biden farin til verka

Joe Biden tók við sum amerikanskur forseti í gjár. Eitt tað fyrsta, hann gjørdi, var skriva undir nýggjar politiskar fyriskipanir.

Hvat kann ein forseti gera, tá hann tekur við, hvat kann hann gera, uttan at hava restina av politisku skipanini við sær, og hvussu lætt er at broyta avgerðir hjá undanfarnum forsetum?

Vit tosa við Erik Løksagarð Absalonsen, stjórnmálafrøðing, og Sjúrð Skaale, fólkatingsmann.

Bíligt at læna

Tað hevur ongantíð verið bíligari enn nú at læna pening til hús ella íbúð í Føroyum, og húsaprísirnir hækka alsamt.

Men hvat er veruligi prísurin av einum húsum, hvussu hava vanlig húski ráð, og hví er tað lutfalsliga dýrari í Føroyum enn aðrastaðni?

Vit tosa við umboð fyri bankarnar.

Breddin í útvarpinum klokkan 17.05