Eingin ætlan við Gomlurætt í løtuni

Tað sigur Jørgen Niclasen, landsstýrismaður, í svari til Heðin Mortensen. Tá Sandoyartunnilin er liðugur, væntandi í desember 2023, verður framvegis brúk fyri Gomlurætt til siglingina í Hest og Koltur.

Har verða eisini ferðavinna og aling, stendur í svarinum. Landsverk rekur havnina í Gomlurætt, sum varð tikin í nýtslu í 1993 og kostaði 130 milliónir krónur at byggja. 

Tórshavnar Havn leigar ein part av havnarlagnum til flótibrúgvar til smábátar og atløgubryggju til ferðamannasigling.