Toskaveiðan minkaði niður í helvt

Toskaveiðan undir Føroyum minkaði niður í helvt í fjør.

Í 2019 vórðu landað 20.000 tons av toski undan Føroyum, men í fjør minkaði nøgdin niður í 9.000 tons. Afturgongdin er 53,5 prosent, vísa tøl hjá Hagstovun.

Hýsuveiðan minkaði ein fjórðing, men meira varð landað av upsa í fjør enn í fyrraárið.

Meira varð eisini landað av longu og brosmu, ávikavist 21 og 36 prosent, samanborið við 2019.

Avreiðingarvirðið fyri botnfisk undan Føroyum minkaði 228 milliónir kr. í fjør, ella ein fjórðing. 

Sama nøgd av uppsjóvarfiski

Uppsjóvarskipini landaðu somu nøgd í fjør sum í fyrraárið. Avreiðingarvirðið var óbroytt.

Meiri varð landað av svartkjafti og makreli. Meira fekst fyri svartkjaftin, men minni fyri makrelin. 

Fiskiskapurin eftir sild minkaði níggju prosent, og avreiðingarvirðið minkaði eisini níggju prosent.

Sí meira um avreiðingartølini her

Finnur Fríði, uppsjóvarskip

Uppsjóvarskipini landaðu somu nøgd í fjør sum í fyrraárið, og avreiðingarvirðið var tað sama sum í 2019 (Mynd: Hagstovan)