Til reiðar at kvetta sambandið við ES

Til reiðar at kvetta sambandið við ES
Russiski uttanríkisráðharrin, Sergej Lavrov, ávarar ES ímóti at seta fleiri tiltøk í verk móti Russlandi
Russiski utanríkisráðharrin, Sergej Lavrov, ávarar ES
 
12.02.2021 - 13:46

Russland er til reiðar at kvetta sambandið við ES, um so er, at fleiri og lemjandi revsitiltøk verða sett í verk móti landinum.

Tað segði russiski uttanríkisráðharrin, Sergej Lavrov, í samrøðu í dag við heimasíðuna hjá russiska uttanríkisráðnum.

Russiska avgerðin at handtaka andstøðuleiðaran, Aleksej Navalnyj, hevur skalað viðurskiftini millum Russland og ES. 

Í vikuni ávaraði Russland um, at landið fór at svara ES aftur á sama hátt, um ES setur nýggj tiltøk í gildi móti Russlandi.

Koyrdu sendifólk av landinum 

Tá uttanríkisleiðarin í ES, Josep Borrell, herfyri var á vitjan í Russlandi, vísti Russland trimum sendifólkum úr Týskalandi, Póllandi og Svøríki av landinum. 

ES-tinglimir hava funnist hvassliga at ferðini hjá Borrell til Moskva.

Sambært Lavrov fer Russland ikki at avbyrgjaa seg frá heiminum, men landið má vera til reiðar, um nýggj tiltøk raka viðkvæmastu økini í landinum.  

- Vilt tú hava frið, mást tú eisini vera til reiðar at fara í kríggj, sigur Lavrov.

Bara um tað loysir seg

Hann sigur, Russland hevur nógv mest handilssamband við ES, og nógvar evropiskar fyritøkur arbeiða eisini í Russlandi.

- Og tað skal halda fram, men bara, um tað er tað eisini loysir seg fyri Russland, sigur Lavrov.

- Vit eru longu sjálvbjargin á hernaðarøkinum, og vit skulu eisini verða búskaparliga sjálvbjargin, sigur hann

Hesin setningurin er við í sjónbandaðu útgávuni av samrøðuni, men í útskrift av samrøðuni á heimasíðuni hjá uttanríkisráðnum er setningurin ikki við.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF