Hasfjord eisini tikin úr sigling

Strandfaraskipið Hasfjord hevur fingið tekniskar trupulleikar og siglir ikki hesa vikuna.

Tað var fríggjadagin, at Hasfjord fekk trupulleikar, og fór á skipasmiðjuna Mest í Havn. Ein ventilur til bógskrúvuna er farin.

Nú er greitt, at trupulleikin er størri enn fyrst hildið, og Hasfjord siglir ikki í hesari vikuni.

- Væntandi fer Hasfjord at sigla aftur í næstu viku, sigur Marin Hentze Gaardlykke, ferðslusamskipari hjá Strandferðsluni.

Hasfjord skuldi gera farmatúr til Nólsoyar hósdagin, tá ið oljubilur og annar farmur skuldi út til Nólsoyar.

Nú verður Sam tikin úr sigling á Kalsoyarleiðini hósdagin, og hann siglur so farmatúrin til Nólsoyar.