Færri flogfør seinka postin

24.02.2021 - 15:46
AktueltSamfelag
Færri flogfør seinka postin
Viðskiftafólk noyðast at bíða nakrar dagar eyka eftir posti, so leingi ferðaætlanin er skerd, sigur stjórin í Posta
Seinkingarnar ávirka bæði brøv og pakkar til og úr Føroyum
 

Tað ávirkar postin til og úr Føroyum, at færri flogfør koma og fara.

Vanliga kemur og fer nógvur postur við flogførunum hvønn dag, men í løtuni noyðast húski í Føroyum venja seg við, at tað tekur longri tíð - bæði at senda og fáa post úr útlandinum.

Orsøkin er, at ferðaætlanin hjá flogfeløgum kring heimin er broytt, og munandi færri flogfør nú flúgva millum Føroyar og Danmarkar. Tað merkir, at plássið fyri posti er avmarkað, sigur Posta.

Óvanlig støða

- Hetta er ein óvanlig støða, og vit mugu ásanna, at broytta ferðaætlanin ávirkar postin, sigur Joel undir Leitinum, stjóri á Posta.

- Viðskiftafólk mugu tíverri bíða nakrar dagar eyka eftir postinum, so leingi ferðaætlanin er skerd, sigur hann.

Seinkingarnar ávirka bæði brøv og pakkar til og úr Føroyum. Posta sigur, at ein partur av postinum fer við skipi, so viðskiftafólk skulu merkja minst møguligt til skerdu ferðaætlanina.
 

Er kopiera
Nýggjastu sendingar í ÚV
Mikudag 1. desember
NiviNaja 1. partur
33485
Týsdag 30. november
Tauren Wells - LIVE
132084
Mánadag 29. november
Við Tórði á túri á Ískaiini í Havn
131976
Mánadag 29. november
Nón - 29. november 2021
131974
Mánadag 29. november
Norðurljóð 29.november 2021
131867
Nýggjastu sendingar í SV
Mánadag 29. november
Dokumentarurin: Kongoránið
131988
Mánadag 29. november
3-2
131987
Mánadag 29. november
VIDEO: Ræst kjøt á ein øðrvísi hátt
131492
Sunnudag 28. november
Hvør veit?
131925