Netbankarnir koma upp í Samleikan í heyst

Netbankarnir koma upp í Samleikan í heyst
Nýggj altjóða lógarkrøv til peningastovnar gera, at arbeiðið at knýta netbankarnar í Samleikin er seinkað
Væntandi koma netbankarnir eisini upp í Samleikan í heyst
 
02.03.2021 - 15:19

Netbankarnir verða eftir ætlan knýttir í Talgilda samleikan í heyst.

Tað upplýsir Jørgen Niclasen, landsstýrismaður, í svari til Johan Dahl í Sambandsflokkinum, sum hevur spurt um málið.

Í løtuni samstarva Talgildi samleikin og peningastovnarnir um at menna skipanina, og veitarin hjá peningastovnunum (SDC A/S) ger í løtuni royndir, har Samleikin verður nýttur at innrita í teirra test-skipan.

Nýggj krøv

Nýggj altjóða lógarkrøv til peningastovnar gera, at arbeiðið at knýta netbankarnar í Samleikin er seinkað. Lógakrøvini hava við sær týðandi broytingar av Talgilda samleikanum, soleiðis at tað ber til hjá peningastovnum at brúka Samleikan at skriva undir skjøl og peningaflytingar.

Broytingarnar verða mettar kosta 2,5 milliónir krónur, og tær fara at taka hálvt ár at menna og seta í verk.

Talgildi samleikin hevur kostað 60 milliónir kr. at menna. Hann er millum teir fremstu í heiminum. 

Í løtuni eru fleiri føroyskir stovnar, fyritøkur og kommunur í holt við at menna atkomuna til Samleikan. Eisini eru fyrispurningar uttanlands um at góðkenna Samleikan til at eyðmerkja tænastur uttanlands, upplýsir Jørgen Niclasen í svarinum til Johan Dahl.


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585