Sýta fyri at brúka frágreiðing sum prógv

Turkiski dómstólurin, sum viðger málið móti saudiarabarunum, sum eru ákærdir fyri at hava dripið Jamal Khashoggi, vil ikki brúka amerikonsku frágreiðingina sum prógv í málinum.

Frágreiðingin frá amerikonsku fregnartænastuni varð almannakunngjørd í februar.

Sambært henni, var tað saudiarabiski krúnprinsurin, Mohammed bin Salman, sum gav boð um at drepa saudiarabiska journalistin, Jamal Khashoggi, í saudiarabiska konsulátinum í Istanbul í 2018.

Unnustan hjá Khashoggi ovfarin

Tað var unnustan hjá Khashoggi, Hatice Cengiz, sum heitti á dómstólin í Istanbul um at brúka amerikonsku frágreiðingina sum prógv í málinum móti teimum 26 saudiarabarunum, sum eru ákærdir in absentia.

Í gjár boðaði dómarin í málinum frá, at frágreiðingin hevur ikki týdning fyri málið. Unnustan hjá Jamal Khashoggi er ovfarin av niðurstøðuni.

– Frágreiðingin sigur beinleiðis, at krúnprinsurin er sekur. Tí vilja vit hava dómstólin at hana í rættarmálið, segði Cengiz eftir avgerðina, skrivar journalistan.no