Ætla at fáa vindmyllurnar á Eiði upp í ár

SEV arbeiðir framvegis við vindmylluverkætlanini á Eiði.

– Vit hava enn vónir um at fáa tær fýra myllurnar upp í hesum árinum, men tað krevur, at øll neyðug loyvi verða fingin til vega skjótt, sigur Brian Joensen, verkætlanarleiðari hjá SEV.

Verkætlanin er minkað úr seks vindmyllum niður í fýra, men enn vanta nøkur neyðug loyvi, millum anna byggiloyvi, avgerð frá Yvirfriðingarnevndini og avtalu við hagan um lendið.

Dótturfelag vann útboðið

Vindfelagið í Neshaga, sum er dótturfelag hjá SEV, vann útboðið hjá orkumyndugleikanum um vindmyllulund á Eiði í 2019.

Farið varð beinanvegin undir at gera fyrireikandi arbeiðið, sum millum annað umfatar árinsmetingar, umhvørvisgóðkenning, byggiloyvi og avtalu við haga um lendið.

Arbeiðið tók tó munandi longur tíð, enn orkufelagsskapurin væntaði. Loyvið til vindorkuframleiðslu umfataði seks seks vindmyllur, og í løtuni verður arbeitt við at finna eitt annað øki til tær báðar seinastu vindmyllurnar.