Myanmar: Blóðugasti dagurin síðani kvettið

Dagurin í gjár var tann blóðugasti í Myanmar, sum er fyrrverandi Burma, síðani herurin tók valdið í landinum 1. februar.

39 fólk lógu eftirá í mótmælunum í gjár, upplýsir felagskapurin, Assistance Association for Political Prisoners, sambært Reuters.

22 fólk lógu eftirá í einum ídnaðarøki í býnum Yangon. Tað hendi, eftir at ókend fólk høvdu sett eld á fleiri verksmiðjur í økinum, harímillum tvær kinesiskar.

Kinesiska sendistovan í Myanmar hevur heitt á myndugleikarnar uym at tryggja kinesisku ognirnar í landinum, skrivar Reuters.