Ótolnast eftir svari frá andstøðuni

Ótolnast eftir svari frá andstøðuni
Tekur andstøðan ikki undir við broytingunum, verður upprunaliga uppskotið um tilfeingisgjøld lagt fyri tingið, sigur Jørgen Niclasen
Jørgen Niclasen, landsstýrismaður, sóknast nú eftir svari frá andstøðuflokkunum til broytingarnar í uppskotinum um tilfeingisgjøld
 
17.03.2021 - 18:00

Andstøðuflokkarnir hava framvegis ikki svarað Jørgeni Niclasen, landsstýrismanni í fíggjarmálum, um flokkarnir taka undir við uppskotinum um tilfeingisgjald, sum hann sendi teimum í farnu viku.

Bólkurin, sum roknaði tilfeingisgjaldið út fyri landsstýrið, hevur lagað uppskotið til ynskini, sum andstøðuflokkarnir hava um broytingar í gjaldinum.

Tað uppskotið sendi Jørgin Niclasen til andstøðuflokkarnar, Javnaðarflokkin, Tjóðveldi og Framsókn, í farnu viku.

Hevur einki frætt

Jørgen Niclasen sigur í dag, at hann hevur einki frætt frá flokkunum, og tí hevur hann sent teimum skriv, har hann sóknast eftir svari, tí uppskotið skal leggjast fyri løgtingið.

Tað fæst einki endaligt at vita frá andstøðuflokkunum, men teir umrøddu uppskotið um vikuskiftið, og gjørdu sínar viðmerkingar.

Tí skuldi verið klárt at svara upp á uppskotið, sigur Høgni Hoydal, formaður í Tjóðveldi.

Fer at tosa við hinar

Ruth Vang, forkvinna í Framsókn vil ikki siga stórvegis, men hon fer at tosa við hinar báðar andstøðuleiðararnar.

Tað hevur ikki borið til at fáa orðið á Aksel V. Johannesen, formann í Javnaðarflokkinum. Hann hevur heldur ikki svarað nøkrum spurningum, sum útvarpið sendi honum tíðliga seinnapartin.

Jørgen Niclasen, landsstýrismaður, sigur, at fær hann ikki svar skjótt, og vil andstøðan ikki taka undir við uppskotinum, sum hann hevur sent teimum, so verða broytingarnar í uppskotinum tiknar aftur, og so verður upprunaliga uppskotið lagt fyri løgtingið, sigur hann.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585