Kvinna varðhaldsfongslað í rúsevnismálinum

Politiið tók mánadagin eina unga kvinnu í sambandi við stóra rúsevnismálið, sum byrjaði í januar.

Kvinnan, sum er yngri enn 20 ár, varð í grundlógaravhoyring týsdagin varðhaldsfongslað í fýra vikur, til 13.apríl.

Politiið fann góð tvey kilo av rúsevnum í januar.

Talan er um eitt kilo av amfetamini, 700 gramm av MDMA,  180 gramm av kokaini og 400 gramm av hassji.

Seinni í januar fann politiið 67 gramm av amfetamini, fimm gramm av ketamini og nógvar aðrar tablettir hjá einum øðrum manni.