Hjáárin frá koppseting viðurkent sum arbeiðsskaði

Hjáárin av koppingarevni fyri koronu, er at meta sum arbeiðsskaði, um tað hendir í arbeiðstíðini. Tað skrivar danski miðilin, A4 Arbejdsmiljø. Higartil eru fýra slíkir skaðar staðfestir í Danmark.

Verður staðfest, at hjáárinini stava frá koppingarevni fyri koronu, so kunnu fólk fáa veiting fyri varandi mein og fyri mist arbeiðsevni, skrivar miðilin.

Higartil eru 54 slík mál til viðgerðar í Danmark. Flestu málini eru um heilsufrøðingar og onnur, sum starvast á sjúkrahúsum, men mál eru eisini um fólk á dagstovnum.