Samráðast um býtishandil við koppingarevni

Danskir myndugleikar samráðast við fleiri lond um ein møguligan býtishandil við koppingarevni. Tað upplýsti danski heilsumálaráðharrin, Magnus Heunicke, fyri Jyllands-Posten eftir at hava verið á fundi við framsøgufólkini í heilsumálum á Fólkatingi. 

– Sum støðan er nú, hava vit tørv á tryggum og góðkendum koppingarevnum. Higartil eru tað Pfizer og Moderna. Og tá er tað sera áhugavert, um vit kunnu fáa í lag ein býtishandil við onnur lond, har vit fáa teirra Pfizer-koppingarevni í býti við okkara AstraZeneca-koppingarevni, sigur Magnus Heunicke, sambært Jyllands-Posten.