- Tíðindi, mentan og ítróttur
Starvið væntandi lýst leyst av nýggjum
Starvið væntandi lýst leyst av nýggjum
Fasti gerðarrættur gav Lønardeildini viðhald í trætuni við felagið hjá sjúkrarøktarfrøðingunum um starvið sum fakligur stjóri í Gigni
Tað var óheimilað stríðsstig hjá felagnum hjá sjúkrarøktarfrøðingunum at nokta limum sínum at søkja starvið sum fakligur stjóri í Gigni, sigur Fasti gerðarrættur
26.04.2021 - 10:06
Nú Fasti gerðarrætturin gav Lønardeildini hjá Fíggjarmálaráðnum viðhald í, at tað er óheimilað stríðsstig, tá felagið hjá sjúkrarøktarfrøðingum noktaði limum sínum at søkja starvið sum fakligur stjóri í Gigni, verður starvið væntandi lýst leyst av nýggjum.
Umsóknarfreistin var til á middegi fríggjadagin. Eingin umsókn kom, sigur Egil á Bø, stjóri í Heilsutrygd.
Hann sigur, at helst verður starvið nú lýst leyst av nýggjum.
Elin Ziska hevur sagt seg úr stjórastarvinum. Hon fer 1. mai. Hon er í farloyvi úr einum starvi sum heilsufrøðingur í Gigni.
Er kopiera
Nýggjastu sendingar í ÚV
Nýggjastu sendingar í SV
