Fekk 109 klagur

Løgtingsins umboðsmaður fekk 109 klagur í 2020. 13 klagur vórðu avvístar.

Nógv tær flestu, 34, vóru um kommunur. 23 klagur vóru um barnaverndartænastur.

96 klagur vórðu endaliga avgreiddar í fjør. 12 klagur frá undanfarnum árum vórðu eisini avgreiddar í fjør.

Umframt tær 109 klagurnar, sum komu í fjør, tók Løgtingsins umboðsmaður upp átta mál av egnum ávum og avgreiddi fimm teirra í fjør.

1. apríl tók Hanna Vang við sum Løgtingsins umboðsmaður. Tá gavst Sólja í Ólavsstovu, sum var umboðsmaður í 15 ár.

1. mai vóru liðin 20 ár, síðani Løgtingsins umboðsmaður byrjaði.