Kirkjugarðurin í Leirvík víðkast

Tvær milliónir krónur verða nú settar av til at víðka um kirkjugarðin í Leirvík. Tað bleiv samtykt á seinasta býráðsfundi í Eysturkommunu, skrivar kommunan á heimasíðuni.

Kirkjugarðurin í Leirvík, sum var seinast víðkaður miðskeiðis í 1980unum, hevur nú umleið 30 pláss tøk. Umleið 10-12 gravir verða brúktar um árið. Tí er neyðugt at víðka um kirkjugarðin.

Ætlanin er í fyrstu atløgu at víðka kirkjugarðin við umleið 340 plássum norðan fyri verandi kirkjugarð. Harumframt er møguligt at gera umleið 300 pláss aftrat.