Ternan fer á Sandoyarleiðina eftir hvítusunnu

- Gongst sum ætlað, fer Ternan at sigla Sandoyarleiðina beint eftir hvítusunnu.

Tað sigur Jóhan Petur Abrahamsen, rakstrarleiðari á Strandferðsluni.

Ternan, sum hevur verið á sleipistøð í longri tíð, fer sostatt bara at sigla til Nólsoyar í eina góða viku, áðrenn Erla Kongsdóttir aftur verður sett í sigling um Nólsoyarfjørð

Ternan fer at sigla á Sandoyarleiðini í tríggjar, fýra vikur. 

Sam til eftirlit

Tá Teistin er liðugur á beding og fer aftur á Sandoyarleiðina, stendur strandfaraskipið, Sam, fyri tørni at fara til klassingar og eftirlit. 

Tá verður endaliga avgjørt, um Ternan skal sigla fyri Sam á Kalsoyarleiðini. 

- Vit vænta, at Erla Kongsdóttir fer at sigla fyri Sam, og at Ternan kanska fer at sigla tveir dagar um vikuna við farmi á Kalsoyarleiðini - alt eftir, hvussu nógv tung ferðsla er, sigur Jóhan Petur Abrahamsen, rakstrarleiðari á Strandfersluni.