Stendur framvegis í botni í sáttmálatrætuni

01.06.2021 - 13:01
AktueltSamfelag
Stendur framvegis í botni í sáttmálatrætuni
Einki samskifti hevur verið millum partarnar, síðani Pedgogfelagið lýsti 24 tíma arbeiðssteðg á vøggustovunum
Hósmorgunin fara pedagogarnir á vøggustovunum kring landið í 24 tíma verkfall
 

Tað stendur framvegis í botni í samráðingunum millum Lønardeildina hjá Fíggjarmálaráðnum, Kommunala Arbeiðsgevarafelagið og Pedagogfelagið.

Terje Sigurðsson, semingsmaður sigur, at semingsstovnurin er til reiðar í somu løtu, útlit eru fyri samráðingum. Men í løtuni er ov langt millum partarnar, og tað er umráðandi at vísa virðing fyri pørtunum.

Fíggjarmálaráðið og Kommunala Arbeiðsgevarafelagið vrakaðu í gjár uppskotið, sum Pedagogfelagið sendi pørtunum 26. mai.  

Fíggjarmálráðið og Kommunala arbeiðsgevarafelagið halda, at uppskotið hjá Pedagogfelagnum byggir í stóran mun á upprunakrøvini hjá felagnum, og leggur soleiðis upp til, at partarnir fara at samráðast heilt av nýggjum.

- Tað meta vit ikki gevur meining, tá hugsað verður um, at nógvir samráðingarfundir og drúgv seming hava verið millum partarnar, siga Fíggjarmálaráðið og Kommunala arbeiðsgevarafelagið í svarinum til Pedagogfelagið

Arbeiðssteðgur

Pedagogfelagið lýsti í gjár verkfall í 24 tímar fyri allar vøggustovur, frá hósmorgni 3. juni kl. 7 til fríggjamorgunin 4. juni kl. 7.

Felagið harmast um, at Kommunala Arbeiðsgevarafelagið og Fíggjarmálaráðið ikki vilja samstarva um at fáa menniskjaligt haldføri inn í námsfrøðiliga arbeiðið.

Síðani Pedagogfelagið lýsti arbeiðssteðg í 24 tímar fyri allar vøggustovur, hevur einki samskifti verið millum partarnar.

 

 

Er kopiera
Nýggjastu sendingar í ÚV
Mánadag 14. juni
Nón 14. juni 2021
125435
Mánadag 14. juni
Eingin tekur KÍ
125431
Mánadag 14. juni
Ítróttafólk kunnu eisini fáa slysni
125417
Mánadag 14. juni
Góðan morgun Føroyar 14.06.2021
125403
Mánadag 14. juni
Morgunlestur mánadagur 14. juni 2021
125336
Nýggjastu sendingar í SV
Sunnudag 13. juni
Harmonikutreff í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 10mf, Fjarðastevna 2021
125370
Leygardag 12. juni
Video: 5mf gentur, Fjarðastevna 2021
125369