Stórur áhugi at keypa Magn

Freistin at bjóða upp á oljufelagið Magn er longd til 9. juni eftir áheitan frá teimum, sum ætla at bjóða, og tí at áhugin at bjóða er stórur. 

Freistin at koma koma við óbindandi tilboði var annars fyri 4. juni, sum er í dag.

Men nú hevur eigarin, íslendska oljufelagið Skeljungur, boðað frá, at freistin er longd nakrar dagar.

13. apríl boðaði Skeljungur frá, at áhugi er fyri at keypa Magn.

Skeljungur kunngjørdi longu 24.mars, at ætlanin var at selja Magn. Partaeigararnir í Magn gera av, um felagið verður selt.

Tilboðini, sum koma, eru óbindandi.