Grundstykki skulu bjóðast út

Fuglafjarðar kommuna fer nú at bjóða út alment tvey grundstykki, sum annars longu eru seld.

Eykabýráðsfundur verður í Fuglafirði seinnapartin í dag um útboðið.

Kommunala eftirlitið átalaði Fuglafjarðar kommunu fyri at selja partafelagnum Toftanes trý grundstykki uttan um útboðsreglurnar.

Toftanes skal byggja íbúðir á stykkjunum.

Nú skulu tvey av teimum trimum grundstykkjunum bjóðast út alment.

Fuglafjarðar kommuna hevur leingi miðað eftir at fáa íbúðir í býnum.

Tá ið eitt samskifti við Bústaðir ikki bar á mál, varð farið at samráðast við Toftanes, hóast onnur feløg eisini høvdu áhuga.