20 prosent minni fiskast í Barentshavninum

Minni skal fiskast av toski í Barentshavinum næsta ár, stendur tað til fiskifrøðingarnar. 

Orsøkin til toskatilmælið fyri 2022 er, at kanningar nú hava víst, at minni fiskur er í Barentshavinum enn fyrr hildið. 

Og nýggir kanningarhættir hava eisini víst, at minni er til av eldri fiski enn fyrr hildið. 

Veiðan skerjast við 177.200 tonsum 

ICES mælir til, at veiðan ikki fer upp um 708.480 tons. Tilmælið fyri 2021 er 885.600 tons.

Mælt verður tí til at skerja veiðuna 177.200 tons.

ICES mælir eisini til at fiska 50.000 tons minni hýsu og 4.000 tons minni svartkalva norðan fyri 62 stig, tað er í Barentshavinum og við Norðurnoreg.

Bjarte Bogsted á norska havrannsóknarstovninum sigur, at væntast kunnu fleiri skerjingar næstu árini.