Varðhaldsfongslaður fyri knívstungu

Ein maður er í dag varðhaldsfongslaður í fýra vikur, skuldsettur fyri at hava stungið ein mann í Havn í gjárkvøldið. 

Viðkomandi er ein av teimum monnum, sum politiið tók fyri harðskap seint í gjárkvøldið.

Einki krav bleiv sett um at varðhaldsfongsla hinar báðar mennirnar. 

Tað var klokkan 23.20 í gjárkvøldið, at politiið fekk boð um rok í einari íbúð í J.C. Svabosgøtu í Havn.

Var ikki í lívsvanda

Ein maður varð stungin við knívi, og annar harðskapur varð eisini framdur.

Tann, sum varð stungin, varð stungin eina ferð, og hann var ikki í lívsvanda, sigur Heri Andreassen, leiðari á Kanningardeildini hjá politinum.

Menninir eru í tretivunum og í fjørutinum.