Væl uppløgd Margretha drotning komin á vitjan

15.07.2021 - 14:24
AktueltSamfelag
Væl uppløgd Margretha drotning komin á vitjan
Margretha drotning sá stásilig út í føroyskum klæðum og tóktist í góðum hýri, tá hennara almenna vitjan í Føroyum byrjaði seinnapartin
Stórsmílandi Margretha drotning heilsaði upp á fólk á Bursatanga
Mynd: Bjarni Árting Rubeksen  
 

Almenna vitjanin hjá Margrethu drotning í Føroyum er nú byrjað, hóast eitt sindur seinkað. 

Klokkan 13 skipaði Bárður á Steig Nielsen, løgmaður, fyri móttøku á Bursatanga í Havn, har løgmaður, ríkisumboðið og borgarstjóri í Havn tóku ímóti drotningini. 

Myndir: Bjarni Árting Rubeksen

Hennara hátign drotningin var stórsmílandi, hóast ymiskar avbjóðingar hava verið á leiðini til Føroya. 

Fyrst fekk kongaskipið Dannebrog maskinskaða og fekk ikki verið við á ferðini til Føroya. 

So fekk serbygda Challenger-flogfarið hjá drotningini ikki lent í gjár vegna mjørka, og tað gjørdi, at drotningin ikki kom til landið fyrr enn í morgun. 

Hetta hevur ávirkað skránna nakað, og eitt nú bleiv vitjanin í Klaksvík strikað. 

>>Her er røðan, ið Bárður á Steig Nielsen, løgmaður, helt fyri drotningini á Bursatanga

drotningavitjan

Frítekst tagging: 

Í dag vitjar drotningin í høvuðsstaðnum, og millum annað var hon úti í Tinganesi. 

Restin av degnum sær soleiðis út hjá drotningin. 

Kl. 15.00 – 15.40 Vitjan í Løgtinginum

Kl. 15.45 – 16.05 Almenn móttøka á Trappuni í Vágsbotni

Kl. 16.15 – 17.00 Vitjan á Skúlanum á Fløtum

Kl. 17.10 - 18.00 Vitjan í Sjóvinnuhúsinum

Kl. 19.30 Veitsludøgurði løgmans í Norðurlandahúsinum

>>Sí skránna fyri drotningavitjanina her

Er kopiera
Nýggjastu sendingar í ÚV
Hósdag 30. november
Søgan um Waylon Jennings (6:6)
166732
Hósdag 30. november
At bera brek í krepputíðum og vápnahvíld
166659
Hósdag 30. november
Góðan morgun Føroyar 30.11.2023
166655
Hósdag 30. november
Morgunlestur hósdagur 30. november 2023
166215
Nýggjastu sendingar í SV
Mikudag 29. november
Húsavík í søgu og søgn
62612
Mikudag 29. november
Beautyvarpið við Katrinu
166490
Týsdag 28. november
Veðrið
166469
Sunnudag 26. november
Guðstænasta úr Havnar kirkju
166281