Varðhaldsfongslingin longd eina viku

Varðhaldsfongslingin hjá einum manni, sum er skuldsettur fyri at brúka knív 23.juni, er longd eina viku.

Maðurin, sum er 45 ár, fekk fýra vikur í varðhaldi 24.juni.

Tað er ikki tí, at málið er liðugt og klárt at fara í rættin, at varðhaldið bara er longt eina viku.

Maðurin situr ein annan dóm, sum hann fekk fyri grovan harðskap móti unnustu síni. Hann fekk í Føroya rætti eitt árs treytaleysa fongsulsrevsing. 

Og tann dómurin varð staðfestur í Landsrættinum fyri einum mánað síðani.

Maðurin er í varðhaldi, tí hann er skuldsettur fyri at stinga ein mann í armin við dolki 23.juni. 

Maðurin noktar seg sekan í at hava stungið við vilja.