Aftur eldur í somu hús á Velbastað

Tíðliga í morgun var eldur í einum húsum á Velbastað. Sløkkiliðið fekk fráboðan um eldin um hálvgum sjey tíðina, talan var um stóran eld, og ikki var liðugt at sløkkja fyrr enn um átta tíðina, upplýsir vakthavandi á politistøðini í Havn.

Talan er um somu hús, sum eldur kom í fyri júst eini viku síðani. Tá staðfesti brunaserfrøðin hjá løgregluni, at ein brenniovnur í eini sauna var orsøkin til, at eldurin kyknaði. Brenniovnurin stóð á einum viðfestisvogni, beint við síðuna av húsunum.

Enn veit løgreglan ikki, hví eldur kyknaði í somu hús í morgun, eina viku eftir fyrra eldsbrunan.

Eingin var í húsunum, tá eldurin kyknaði.