Makrelur til mjøl kann brúkast sum agn í staðin

16.08.2021 - 11:35
AktueltSamfelag
Makrelur til mjøl kann brúkast sum agn í staðin
Fiskimálaráðið hevur latið tilsamans átta vinnuligum fiskiroyndum makrel í hesum umfarinum
Smápartafelagið, Glyggur Fishproteins and Bait, hevur í samstarvi við Snarfrost og TG Seafood fingið 200 tons av makreli, sum kann býtast um við makrel, sum annars fer til mjøl.
 

Makrelur, sum annars verður brúktur til mjøl, kann brúkast sum agn í staðin fyri.

Tað er ein av vinnuligu fiskiroyndunum, sum hevur fingið makrel frá Fiskimálaráðnum.

Smápartafelagið, Glyggur Fishproteins and Bait, hevur í samstarvi við Snarfrost og TG Seafood fingið 200 tons av makreli, sum kann býtast um við makrel, sum annars fer til mjøl.

Tann makrelurin kann brúkast til agn.

Sjey aðrar verkætlanir

Sjey aðrar verkætlanir fingu makrel til vinnuligar fiskiroyndir í hesum umfarinum.

Tavan og skipini Jupiter, Katrin Jóhanna, Arctic Voyager, Borgarin, Norðingur, Fagraberg og Høgaberg fingu 350 tons.

Tavan sker makrelin til flak og glaserar flakið í saltlaka. Flakið verður selt til roykivirki í ES.

Fiskimálaráðið hevur latið makrel til vinnuligari fiskiroyndir.

Varðin Pelagic fekk 250 tons. Verkætlanin hjá teimum miðar eftir at menna ymsar framleiðslur burtur úr fráskurði.

Kósin, P.P. Faroe Pelagic, Norðingur og Borgarin fingu 350 tons, sum skulu landast í Kollafirði og flytast til Klaksvíkar við tangabili. 

Á Kósini verður makelurin kruvdur, einkultfrystur og skildur í neyvar støddir. 

Menna trol

Gulenni, Vónin, Varðin Pelagic og Tummas T fingu 150 tons til at menna eitt trol, sum fiskar eins væl, er lættari at toga og sum tekur minni pláss. 

Kinnfelli og Vónin fingu 150 tons, eisini til trolmenning. 

TG Seafood og skipini Fram, Eysturbúgvin, Vesturbúgvin og Arctic Voyager fingu 250 tons. 

Verkætlanin hjá teimum er at pakka heysaðan, rundfrystan og fløk, og brúka makrel til matna, sum annars fer til mjøl.  

Og Delta Seafood fekk saman við skipinunum Fram, Eysturbúgvanum, Vesturbúgvanum, Arctic Voyager, Tummasi T og Gøtunesi 250 tons til nøkunlunda somu framleiðsla sum tann hjá TG Seafood.
 

Er kopiera
Nýggjastu sendingar í ÚV
Mánadag 6. desember
NiviNaja 5. partur
33706
Mánadag 6. desember
Við Tórði á túri eftir jólamati
132371
Mánadag 6. desember
Hvar gongur markið?
132367
Mánadag 6. desember
Norðurljóð 6.desember 2021
132261
Mánadag 6. desember
Tekstarar mugu hugsa um málbólkin
132346
Nýggjastu sendingar í SV
Mánadag 6. desember
3-2
132386
Sunnudag 5. desember
Andaktin
132331
Sunnudag 5. desember
Hvør veit?
132362
Sunnudag 5. desember
Guðstænasta úr Viðareiðis kirkju
132320