Øll línuskipini liggja

Øll ísfiskalínuskipini liggja við bryggju í løtuni. 

Eitt frystiskip er við Eysturgrønland, og fimm eru undir Føroyum, upplýsir Fiskamarknaðurin.

Streymurin verður harður tað mesta av vikuni, men veðrið verður gott. 

Fiskamarknaðurin væntar tó ikki nógvan útróður, tí fiskaríið er so vánaligt. 

Annar djúpvatnstrolarin fiskar makrel. Hin liggur.

Flestu partrolarar úti

Flestu partrolarar eru úti. Fiskaríið kundi verið betri hjá teimum, sigur Fiskamarknaðurin.

Ein trolbátar er á Íslandsrygginum, tveir eru á landleiðini og tríggir eru norðanfyri. 

Teir fiska tosk, hýsu og flatfisk. 

Tvey garnaskip fiska svartkalva og tvey havtasku. Fiskaríð er brúkiligt hjá teimum.