167 fleiri persónbilar í ár

167 fleiri nýggir persónbilar eru innfluttir higartil í ár, enn somu tíð í fjør. Vøksturin er 13,3 prosent, vísa tøl hjá Akstovuni.

Higartil í ár eru innfluttir 1424 nýggir persónbilar samanborið við 1257 fyrstu átta mánaðirnar í fjør.

Í august vóru innfluttir 132 nýggir bilar, ein færri enn sama mánað í fjør.

Frá januar til august skrásetti Akstovan tilsamans 1995 nýggj akfør, 85 fleiri enn somu tíð í fjør.

Vøksturin er 4,4 prosent.