18 vilja vera stjóri í Framtaki

Framtak fekk 18 umsóknir til starvið sum stjóri. Freistin at søkja var í gjár.

Bæði kvinnur og menn hava søkt, og onkur útlendingur er millum umsøkjararnar, sigur Christian Danielsen, nevndarformaður í Framtaki.

Danska stjórnin og landsstýrið stovnaðu Framtaksgrunn Føroya í 1994.

Í 1998 fór danska stjórnin úr samstarvinum.

Framtaksgrunnurin eitur nú Framtak. 

Váðafúsur og tolin íleggjari

Framtak er váðafúsur og tolin íleggjari í føroyska vinnulívið við partapeningi og ábyrgdarláni bæði til nýggjar og verandi fyritøkur, sum ganga nýggjar leiðir.

Stjórin verður sjálvur annar á skrivstovuni hjá Framtaki. 

Niels Dann West hevur verið stjóri í Framtaki í tveimum umførum, okkurt um 20 ár tilsamans.

Ætlanin er, at nýggi stjórin tekur við 1. oktober.