Starvsfelagið og lønardeildin hittast í dag

Starvsfelagið og lønardeildin hittast í dag
Starvsfelagið hevur sagt sáttmálan upp at fara úr gildi 1. oktober
Jan Mortensen, stjóri á lønardeildini í Fíggjarmálaráðnum, og Súni Selfoss, formaður í Starvsfelagnum.
 
06.09.2021 - 10:55

Starvsfelagið segði sáttmálan við Fíggjarmálaráðið upp til 1. oktober, og í dag verður fyrsti fundurin millum partarnar.

Á fundinum fara partarnir at tosa um, hvussu samráðingarnar skulu fara fram, sigur Jan Mortensen, stjóri á lønardeildini í Fíggjarmálaráðnum.

Tað er bara Starvsfelagið, sum hevur sagt sáttmálan upp í hesum umfarinum. Allir hinir sáttmálarmir fara úr gildi um eitt ár, um teir verða uppsagdir til ta tíð.

Nakrir sáttmálar eru eftir

Enn eru nakrir sáttmálar at samráðast um, sum vórðu uppsagdir 1. oktober í fjør.

Talan er um fimm bólkar í sjúkrahúsverkinum.

Samráðingar eru millum lønardeildina og tey fakfeløgini, men nær nýggjur sáttmáli verður undirskrivaður við feløgini, er ikki greitt, sigur stjórin á lønardeildini.


 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF