Søkja um góðkenning at koppseta fimm til ellivu ára gomul

Týska heilivágsfyritøkan BionTech fer nú at biðja um góðkenning til at nýta koppingarevnið frá Pfizer-BionTech til børn í aldrinum fimm til ellivu ár.

Tað skrivar týska blaðið Der Spiegel í dag.

- Komandi vikurnar fara vit at kunngera úrslitini frá kanningum við hesum aldursbólkinum, og biðja um góðkenningar frá myndugleikum kring allan heimin til at brúka koppingarevnið til børn í aldrinum fimm til ellivu ár. Eisini í Evropa. Tað sigur stjórin í BionTech, Özlem Türeci, við Der Spiegel.

Koppingarevnið til yngru børnini er tað sama, sum verður brúkt til vaksin og eldri børn, men skamtarnir eru minni.