USA: Norðurkorea hóttir heimsfriðin

Norðurkorea er ein hóttan ímóti grannalondunum og ímóti heimsfriðinum. 

Tað eru boðini úr amerikanska verjumálaráðnum, eftir at Norðurkorea skeyt tvær langtberandi rakettir um vikuskiftið.

- Norðurkorea heldur eftir øllum at døma fram við at menna síni álopsvápn, og tað er til stóran vanda fyri grannalondini og heimin sum held, stendur í boðunum frá Pentagon.

Flugu 1500 kilometrar

Almenna tíðindastovan í Norðurkorea, KCNA, skrivar, og Norðurkorea bæði leygardagin og í gjár skeyt langtberandi rakettir.

Rakettirnar flugu 1500 kilometrar, áðrenn tær raktu ætlaða málið, skrivar tíðindastovan.

USA og Norðurkorea hava ikki tosað saman um rakettduppingina hjá Norðurkorea síðani í 2019, tá samráðingarnar slitnaðu.