Føroyskur amboðsfimleikari til HM í Japan

15.09.2021 - 07:32
ÍtrótturFimleikur
Føroyskur amboðsfimleikari til HM í Japan
Rani Allansson Dalsgarð er tikin út til danska landsliðið í amboðsfimleiki, sum fer til heimsmeistarakappingina í Kitakyushu í Japan í oktober
Rani Allansson Dalsgarð skal umboða Danmark til HM í Japan
 

Rani Allansson Dalsgarð er ein av bert trimum fimleikarum, sum er úttikin til danska landsliðið, sum skal kappast í heimsmeistarakappingini í Japan í oktober.

Camille Lund Rasmussen og Freja Lysell Petersen, báðar úr danska felagnum, KG66, eru tiknar út saman við føroyska fimleikaranum.

Fimleikarin úr Havnar Fimleikafelag er mentur við rúkandi ferð seinastu árini, og fegnast um, at hann fær løn fyri stríðið.

 - Hetta hevur nógv at siga, tí tey málini, sum eg og venjarin settu áðrenn koronu, eru rokkin, og nú er tíð at seta nýggj, størri mál, sigur Rani Allansson Dalsgarð.

Fimleikarin, sum er serliga sterkur á gólvinum, hevur síðstu tvey árini lagt nógva orku í fimleikin. Hann hevur vant eini 25 tímar um vikuna, og hevur staðið seg væl í kappingum í Danmark og aðrastaðni. 

 - Sum tað sær út í løtuni, eri eg hin einasti manligi fimleikarin, sum er úttikin at umboða Danmark, og tí eisini tann, sum tey meta, kann fáa tað besta úrslitið, sigur Rani Allansson Dalsgarð.

Hann hevur fyrr sagt, at lítið restar í fyri at teljast millum teir bestu í heiminum í ávísum greinum, og hann hevur eisini sett sær høg mál undan heimsmeistarakappingini, sum verður í Kitakyushu í Japan 18. til 24. oktober.

 - Um tú hyggur at úrslitunum frá seinasta HM, er tað ikki órealistiskt at seta sær málið um topp-20 á gólvinum, har tað seinast vóru góðir 200 luttakarar, sigur Rani Allansson Dalsgarð.
 

Er kopiera
Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574