Helen Lorraine Nkwocha skal venja TB

Helen Lorraine Nkwocha skal venja TB
Helen Lorraine Nkwocha skal venja besta liðið hjá Tvøroyrar Bóltfelag árið út, eftir at samstarvið millum TB og týska venjaran, Lars Heiliger, er endað
Helen Lorraine Nkwocha hevur verið høvuðsungdómsvenjari hjá TB síðan í vár
 
23.09.2021 - 09:57

Helen Lorraine Nkwocha skal venja besta liðið hjá Tvøroyrar Bóltfelag.

TB boðaði í gjárkvøldið frá á facebook, at samstarvið við týska venjaran, Lars Hage Heiliger, er endað.

Lars Hage Heiliger tók við sum venjari, eftir at Michael Winter, sum eisini er týskari, takkaði fyri seg eftir 8. umfør í landskappingini.

Helen Lorraine Nkwocha, sum fyrr hevur spælt fótbólt í fleiri enskum feløgum, kom til Tvøroyrar Bóltfelag í vár, og hevur verið ungdómsvenjari.

Hon verður nú venjari hjá mansliðnum í bestu deilini, tað sum eftir er av hesum kappingarárinum. Hon er triði venjari hjá besta liðnum í hesum kappingarárinum.  

Tvøroyrarmenn liggja á aftasta plássi í Betri deildini við trimum stigum, tíggju stig aftanfyri ÍF á næstaftasta plássi.

TB hevur seks dystir eftir í hesum kappingarárinum.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652