- Tíðindi, mentan og ítróttur
Merkel ynskt Scholz til lukku við valinum
Merkel ynskt Scholz til lukku við valinum
Armin Laschet, kanslaraevni hjá CDU, hevur framvegis vónir um, at hann kann skipa stjórn
Sosialdemokratiski flokkurin hjá Olaf Scholz gjørdist størsti flokkur á valinum í Týsklandi.
29.09.2021 - 15:55
Fráfarandi samveldiskanslarin í Týsklandi, Angela Merkel, hevur ynskt sosialdemokratiska formanninum, Olaf Scholz, til lukku við valsigrinum.
Tað gjørdi hon mánadagin, stendur í fráboðan í dag.
Flokkurin hjá Merkel, Kristnu Demokratarnir, CDU, høvdu hinvegin lutfalsliga vánaligt val.
Men Armin Laschet, sum er kanslaraevni hjá CDU, hevur kortini ikki mist vónina um, at hann kann skipa samgongustjórn. Men trýstið á hann um at viðurkenna, at flokkurin tapti valið, veksur.
Armin Laschet hevur framvegis ikki alment ynskt Scholz til lukku við sigrinum.
Keldur í CDU og sosialdemokratiska SPD upplýsa tó fyri AFP-tíðindastovuni í dag, at Laschet í brævi hevur ynskt Sholz til lukku, skrivar NTB.
Angela Merkel, fráfarandi samveldiskanslari, hevur ynskt SPD-leiðaranum, Olaf Scholz, til lukku við valinum.
Er kopiera
Nýggjastu sendingar í ÚV
Nýggjastu sendingar í SV
