Alt ov nógv verður fiskað

Nógv meira verður fiskað enn altjóða havrannsóknarráðið ICES mælir til.

Til dømis hava londini, sum fiska svartkjaft, givið sær 34 prosent meira í kvotum í ár enn ICES heldur vera ráðiligt.

Síðani 2014 hevur svartkjaftafiskiskapurin verið 16 til 66 prosent størri um árið enn ICES hevur mælt til.

4 til 42 prosent meira norðhavssild enn ICES mælti til er fiskað um árið síðani 2013, og makrelkvoturnar eru 41 prosent størri í ár enn ICES mælti til.