Listasavnið umbyggjast

Soppur er í Listasavninum, sum hevur fingið hálva aðru millión krónur til umvælingar í uppskotinum um fíggjarlóg fyri 2022.

Í fjør vóru brúktar 700.000 kr., í ár eru játtaðar 2,9 milliónir.

Ein ætlan er gjørd eftir at soppakanningar eru gjørdar í ár í bygninginum frá 1993. 

Ætlanin er at endurhýsa starvsfólk og list, reinsa fyri sopp, umvæla tekjuna og dagføra ventilasjónina.

Mett verður, at 1,4 mió. kr. verða brúktar í ár.

Eldri parturin av Listasavninum vísir seg at vera í verri standi enn áður mett.  

Upprunaliga var ætlanin at skifta tekjuna.

Men nú er talan um at høvuðsumvæla allan bygningin, og mælt verður til at hava eina kapping um tað arbeiðið.