Forkanningar gjørdar til talgilda tinglýsing

- Hetta eru týðandi stig í gongdini at menna eina fult talgilda tinglýsing, sum fer at lætta munandi um hjá borgarum og hjá vinnuni, skrivar heimasíðan hjá umhvørvis- og vinnumálráðnum.

Tinglýsingin skjalprógvar hvør eigur hvørja einastu tinglýsta ogn í landinum, og 1,1 millión kr. verða játtaðar til forkanningina. 

- Tryggar mannagongdir og einsháttaðar og tryggar skrásetingar eru avgjørdar fortreytir fyri, at alt verður skrásett, sum skal skrásetast, sigur Magnus Rasmussen, landsstýrismaður, sambært heimasíðuni.