Nú eru 53.500 fólk í Føroyum

1. september í ár búðu 53.498 fólk í Føroyum. Tað eru 854 fleiri enn somu tíð í fjør, og vøksturin er 1,6 prosent.

Nettoflytingin var 551 fók og burðaravlopið 303 fólk. 

Fleiri vóru fødd, og færri fluttu av landinum enn undanfarna 12 mánaða skeið.

Tey flestu búgva í Havn

Fleiri enn helvtin av teimum 854 fólkunum, sum løgdust afturat fólkatalinum, búgva í Tórshavnar kommunu, nevniliga 441 fólk. 

Lutfalsliga vaks fólkatalið mest í Nes kommunu. Tað vaks 3,7 prosent, ella 51 fólk.

Størsta afturgongdin var í Kvívíkar kommunu, har fólkatalið minkaði 16 fólk ella 2,6 prosent.