Nógvur vindur við Norðradalsskarð

Í tveir dagar í tíðarskeiðinum 1.januar 2015 til 31.desember 2020 var vindferðin í hvirlunum við                                                                                                                                                         Norðradalsskarð millum 80 og 82 m/sek. 

Tað stendur í frágreiðingini hjá arbeiðsbólkinum, sum kannaði varðhaldið í Mjørkadali.

Bara í 932 dagar av teimum 2.720 døgunum tey seks árini var vindferðin minni enn 25 m/sek. 

veðurstøð á norðadalsskarði.jpg

Veðurstøðin og vindmátarin á Norðradalsskarði.

Í tríggjar dagar var hon millum 70 og 79,9 m/sek.

Í 156 dagar var vindurin omanfyri 30 m/sek. við Norðradalsskarð. 

Hált í 566 dagar

Kannað er eisini, hvussu nógvar dagar hálka var á Oyggjarvegnum hesi seks árini.

Hált var í 566 dagar.

Ringast var í 2019. Tá var hált í 114 dagar.

Gjørt verður vart við vánaligu verðurlíkindini í frágreiðingini, millum annað, at kavaruddingin stegðar klokkan sjey um kvøldið, tí ofta er brúk fyri at koyra millum Havnina og Mjørkadal.